Kantonalmeisterschaft Jugend U14
Mädchen
Am 15. Auguscht hei mir
z’Erschbel d’Schlussrundi i Agriff gno. Im erschte Match gege Hochwald/Gempe 1,
si mer vo Afang a klar überlege gsi. Das Spiel hei mer 5:1 für eus entschiede.
Im 2te Spiel gege Nunnige, hei guet agfane, s’Spiel isch usgliche gsi, aber Eusi
Chancene nid chönne verwerte und dr Gegner hets halt gmacht wies so isch. Leider
hei mer mit 3:1 verlore. Im 3te gege Gringel jetz oder nie! Die Meitli si
gsprunge, hei gfeitet und Chörb gschosse. I dr Halbzyt si mer mit 5:1 i fiehrig
gsi, aber ebe Spiel het jo zwo Halbzyte. Dr Gegner het im gsamte 7 Penalty’s
becho, alli hät’s nid miesse geh aber mir hei nid ufgeh! Nach Spielschluss isch
es 7:6 für Eus gsi und hei e riesigi Freud gha. Im letschte Match gege
Hochwald/Gempe 2 hei mer Euses Konterspiel uspackt. Mir hei dr Gegner lo Agriffe
nid wie die angere grad vorne Maadeckt und es so das Spiel gliech 16:1 gwunne
und was schönschte isch es het jedes Meitli e chorb gschosse. So mir heis
gschafft, d’Meischterschaft isch fertig mir si zwar wieder 3te aber dr Abschtang
zum 2te isch nid so gross wie’s letscht Johr.
1. Nunningen
22 Punkt
2. Grindel
17 Punkt
3. Erschwil
15 Punkt
4. Hochwald/Gempen 1 6 Punkt
5. Hochwald/Gempen
2 0 Punkt
Mir dörfe am 30. Auguscht a d’Schwyzer Meischterschaft in Thayngen SH das isch
super!
Kantonalmeisterschaft
Damen, 2. Mannschaft
Am Sunntig 16. Auguscht si mer uf
Luterbach a die 4. Rundi. Leider für Eus, hei mer s’Olli as 1 miesse abtrette
und Geraldine het miesse schaffe. Mit numme 7 Fraue, i dere Hitz, 4 Mätch spiele
het mie veranlasst s’Rahel und s’Gina zwoi vo de U14 Meitli ufzbiete. Im erschte
Spiel gege Hochwald/Gempe 1, si mer nid vo Afang a parat gsi im Nu hei mer 2
Chörb kassiert. Mir si dr ganz Match eim Chorb nochegrennt und i dr letschte
Minute hei mer endlich dr usgliech gschafft. Im 2te match gege Wahle, Es isch e
ganz angers Spiel gsi, i dr Halbzyt, isch 5:1 füe Eus gsi. Bim Schlusspfiff
sogar 7:2. Im 3te gege Buckte, e Gegner wo mer eigentlich nid gern hei und immer
Problem bechömme. Aber das mol nid, i ha s’Konterspiel vo de Chline usprobiert
und es het funktioniert. De Match hei mer suverän mit 9:0 gwunne. Im letschte
gege Seewe, mir heis nomol gspielt und es het au dört klappt. De Match isch zwar
i de Verteidigung nümme so guet gsi, aber i ha au die Junge viel lo spiele.
S’Durchschnittsalter i de letschte 4 Minute isch ca. 16 Jahr gsi, und
Schlussresultat 8:4 für Eus. Die 7 Pünkt isch super, nachem erschte Match ha ni
nümm dermit grechnet aber mega gsi.
I möchte de Spielerinne danke das si s’Rahel und s’Gina so guet i d’Mannschaft
integriert hei und se mitgrisse hei. Die zwoi hei nömlich e mega Freud a dem Tag
gha. Au im Olli möchte i danke das si nach 2 Spiel mit em eis no zu Eus cho isch
und hoff das d’Verletzig vo dem Crash mit em Sarah nid so grvierend isch.
1. Luterbach 24 Punkt
2. Erschwil 18 Punkt
3. Hochwald/Gempen 1 17
Punkt
3. Wahlen 17 Punkt
5. Bubendorf 13 Punkt
6. Ettingen
10 Punkt
7. Seewen 4 Punkt
8. Hochwald/Gempen U16
3 Punkt
9. Buckten
1 Punkt
D’Schlussrundi findet am Samschtig, 5. September z’Breitebach statt.
|
