Am Sunntig, 23. Auguscht si mer a Spieltag in Chlielützel leider ohne Olli. Dame hei e 7ner Gruppe gha, das heisst die Mannschaft mit de meischte Pünkt het gwunne und das isch Euses Ziel vo hüt gsi. Mir hei alli 6 Spiel meh oder weniger dütlich für Eus chönne entscheide. So dass mer am Schluss erschte worde si. Super gsi! 

Erschwil        - Blaue              3:0
                   - Wahlen           5:1
                   - Liesberg          6:2
                   - Laufen           10:2
                   - Zwingen         12:2
                   - Seewen           8:2

Zum Abschluss hei s’Tamara, s’Sarah und s’Josianne mit enere Verstärkig vo Röschenz em Angie, will s’Olli jo verletzt usgfalle isch, die Olympischi Stafette i Agriff gno. Start, nach einere Rundi hei si scho e viertel Vorsprung gha. Bi dr erschte Übergab sogar e halbi, bi dr zwoite het s’Sarah  sogar scho die erschti Frau überrundet und de Vorsprung hei si bis am Schluss suverän durezoge. Mit enere enorme Leischtig hei si die Stafette gwunne. Super gsi.

Bi dr Rangverchündigung hei mer 2 Pokal dörfe i empfang neh.

Fraue glaubet endlich a euch und setzednech au i dr Meischterschaft so dure!