Vom 21. September 2024 in Nunningen:
Am Samschtig, 21. September hei mir mit dr 2te Mannschaft (gmischt mit erfahrene und junge Spielerinne) a de Ufstiegsspiel für d Nati B teilgnoh. Mit em Ziel mir dörfe aber miesse nid Ufstiege, si mir is erschte Spiel gege Madis-Aarwange gstarte und hei e klare Sieg mit 7:3 erspielt. Im 2te Match gege Meltige-Zullwil, es isch nümm so eifach gange do me sich au scho vo dr Meischterschaft kennt hei gliech mit 3:1 gwunne. Nach ere längere Pause si mir uf Roggwil-Neukirch troffe, das Spiel isch sehr intensiv und usglieche gsi. Leider het sich Sarah i dem Spiel verletzt und het nümm chönne wietermache. D Mannschaft het suverän reagiert und de Match mit 6:3 gwunnne. Im 4te Spiel gege Nunnige dr Abstieger vo dr Nati B, nacheme usglichene Start hei mir si immer besser im Griff ka und mit ere super Mannschaftsleischtig mit 7:4 gwunne. Vorem letschte Gruppespiel si mir scho Gruppesieger gsi und nehme 2 Punkt mit i d Finalrundi. Im 5te Spiel gege Herblige, hei mir chönne Chraft spare für die 2 Finalspiel, gwünne klar mit 6:0.
Finalrundegegner heisse Hallau, Münteschmier (si nehme au 2 Pünkt mit) und Nunnige gege si miesse mir nümm spiele will me Punkt vo dr Gruppe mitnimmt. Z erscht gege Hallau si i Rückstand cho aber das hei mir bis zur Halbzyt wieder chönne ufhole und es unentschiede erreicht. I dr 2te Halbzyt isch s Spiel usglichener gsi, hei churz vor Schluss dr umjubelti Siegesträffer zum 5:4 erzielt, si nomol i Ballbsitz cho und hei so die letschte Sekunde chönne abespiele.
Was nach dem Spiel scho klar gsi isch mir si definitiv ufgstiege!
Im letschte Match gege Müntschemier isch gliechzietig dr Final gsi, e unentschiede längt eus zum 1. Ligameischter!
Es isch e harzigs Spiel gsi uf bed Siete mit letschter Chraft hei alli kämpft (au dr Gegner wo ei Spiel weniger het miesse leischte) aber es het leider nid für e Sieg glängt, verliere mit 1:2.
Dr Ufstieg i d Nati B hei mir gschaft leider nid dr Meischter aber es isch e super Tag gsi und au e gueti Meischterschaft, bi Stolz uf euch!
Euche Coach Pelle
Hinten: Peter Iff, ... , Jacqueline Hänggi, Rebecca Wasmer
Vorne: Svenja Hofer, Aline Henz, Aurelia Linz, Leonie Borer, Melina Linz