DU21 / CH - Meisterschaft / Resultate

Vom 7. November 2026 in Moosseedorf:

1. Runde:

STV Büsserach SO................... 8

DKT Erschwil SO...................... 11

Mitm Ziel für die 2 abträttende - Tina und Svenja - s Beschtmögliche usehole, simmer mit viel Ambitione ih d Saison gstartet.

Wie immer isches im Derby gege dr Nochber eh Spiel wo nid schön muess si, sondern s muess gwunne wärde. Eh Spiel uff Mässerschniidi. Mol mir vorne, mol Biesserach vorne aber immer uff Augehöchi und entsprächend eh närveuffriibendi Ahglägeheit für Freund und Feind. Und Coaches. Mitere rote Charte bi Unentschiede 2 Minute vor Schluss für Biesserach hei sich eusi Dame chönne absetze und das wichtige Spiel gwünne. 11:8!

DKT Erschwil SO...................... 12

TV Löhningen SH..................... 4

Gege dr Uffstieger mit Ungwüssheit. Keine weiss wie die spiele und doch het souverän klappt. Eusi Fraue hei ihri spielerischi, taktischi und athletischi Überlägeheit perfekt usgnützt. Es isch schwierig, wenn me ahnimmt, dass me klar besser sött si, entsprächend ziehe mr euse Huet vo dere Ihstellig und wie sie dr Match ahgange si!

Alli 7 Spielerinne si zum Ihsatz cho und hei sich vo dr beschte Sytte zeigt. Und das eusi 2 jüngschte mit dr Simona und Lilly no je eh suber usespielte Chrattä hei chönne schiesse rundet das Ergäbnis ab. Wunderschön z gseh, wie sich das Team für jede cha freue und jede für jede do isch! 12:4

DTV Zihlschlacht TG................ 11

DKT Erschwil SO...................... 9

Guete Morge und Hallo wach und zäck 3:0 für Zihlschlacht und keine weiss so Rächt wie. So Schwach die Startphase, so stark d Reaktion druff. Mit 1,2 Ahpassige het sich das tolle Team nid loh abhänge und si sofort uff 3:3 anecho. Notabene gege dr amtierendi CH-Meischter vo de U21 Dame. 6:6 zur Halbzyt. Aber wie so sicher wie s Amen ih dr Kirche isch, dass au eh Chorbballspiel 2 Halbzytte het und tatsächlich heis eusi anebecho die au z verschlofe. Däm Rückstand sie mir erneut nochegrennt, hei viel Chance aber genauso viel Chance vergäh. Aber trotz dene 2 Startphasene macht dä Match muet!

TV Urtenen BE......................... 11

DKT Erschwil SO...................... 6

Gege dr ehemalig Seriemeischter sie mir eh chlises Experimänt ih de Verteidigung ihgange. Durch das, dass die ussem Bärnbiet - leider - sehr erfolgrich immer s gliche Spiele hei au sie gege eus paar Chörb gschosse. Jedoch het eusi Ahpassig ihre Coach so wiit brocht, dass s Märli vom Rumpelstilzchen plötzlich zum Griffe noch gsi isch.

Gege Ändi isch d Kondition nümm ganz do gsi und Urtene het sich verdient duregsetzt. 6:11

Mit vielne guete Sache wärde mir zämme ih 2 Wuche is Thurgau Reise!

Tabelle nach 4 Spielen:

1. TV Urtenen BE..................... 8 Punkte

2. DTV Zihlschlacht TG............ 6

3. KBC Moosseedorf BE.......... 6

4. FS Menznau LU..................... 6

5. DKT Erschwil SO................... 4

6. KG Roggwil-Neuk. TG.......... 4

7. DTV Täuffelen BE.................. 2

8. STV Büsserach SO................ 0

9. TV Löhningen SH.................. 0

Hinten: Lilly Venzin, Tina Erzer, Svenja Hofer, Laura Bologna.

Vorne: Simona Linz, Leonie Neuschwander, Melina Linz.